Шинжлэх ухаан, техникийн дэвшилтэт технологи, түүний хурдацтай хөгжлийн үр нөлөөгөөр анагаах ухаанд оношилгоо, эмчилгээний шилдэг аргачлал нэвтэрсэний нэгэн бодит илрэл нь дурангийн мэс засал (Laparoscopy) юм. Дэлхийд анх 1987 онд P.Mouret (Lion France ), F.Dubois 1988 онд анх удаа дурангийн аргаар цөсний хүүдийг авах хагалгаа хийсэн байна.
Бид 2007 оноос ХБНГУ-ын “Karl Storz” фирмийн хэвлий болон аарцагны хөндийн дурангийн хагалгааны иж бүрдэл аппаратыг эмчилгээ үйлчилгээндээ нэвтрүүлж, хэвлий болон аарцгийн хөндийн дурангийн мэс заслыг умайн хөндийн дуран (Hysteroscopy), морцеллятортой хавсарсан байдлаар олон улсын стандартын дагуу хийж байна. Түүнээс хойш 3000 гаруй үйлчлүүлэгчид цөс, олгой зэрэг ерөнхий мэс заслын, эмэгтэйчүүдийн бүх төрлийн дурангийн мэс заслыг амжилттай эмчилж, оношилсон бөгөөд үргүйдэлтэй олон зуун хосод үр хүүхэдтэй болох боломжийг нь нээж өгсөн билээ.
Манай мэс заслын тасаг 2013 оноос эхлэн 4 см-ээс дээш хэмжээтэй аливаа үүсгэвэрийг 1 см диаметр бүхий нүхээр гадагшаа гаргах боломжтой морцеллятор (том
хэмжээтэй үүсгэврийг жижиглэж хэвлийн хөндийгөөс гаргах багаж) хэмээх багажийг
дурангийн мэс заслын практикт
нэврүүлсэнээр умайн хоргүй хавдар - миома, өндгөвчний уйланхай- киста, умай болон бусад үүсгэвэрүүдийг хэвлийн хөндийгөөс
гадагш гаргах боломжтой болсон. Үүний үр дүнд нээлттэй мэс засал хийх шаардлагагүй болж
үйлчлүүлэгчид өвдөлт зовиур багасаж, хөдөлмөрийн чадвар хурдан сэргэж,
эмнэлэгт хэвтэх ор хоног цөөн болсон юм. Одоогоор ийм төрлийн хагалгаа Монгол
улсын хэмжээнд зөвхөн манай төвд хийгдэж байна.
Мэс заслын тасагт хийдэг хагалгаанууд:
| Ерөнхий мэс засал | Эмэгтэйчүүдийн мэс засал | Хавсарсан мэс засал |
|---|---|---|
|
|
зэрэг оношилгоо, эмчилгээг хавсарсан байдлаар түргэн шуурхай, тусламж үйлчилгээг хүргэж байна. |
Манай хамт олны хичээл зүтгэл танай гэр бүлд аз жаргал бэлэгэнэ.
